Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Galiza-Uruguai

Noite de festa para o futsal galego

Catro mil persoas encheron A Malata para darlle folgos á Irmandiña no seu primeiro partido, inmellorábel comezo dunha selección que vai dar moito que falar.

Lucía Iglesias - 15:00 01/03/2008

Primeiro partido da selección galega de fútbol sala e primeira vitoria. Pero non só coa vitoria gozaron os espectadores, a Irmandiña ofreceu o seu mellor xogo que se viu traducido en seis goles. O ferrolán Pana tivo a súa noite fabricando catro dos tantos dos galegos, que sumados ao de O.Vivien do Ourense e ao de Manu do Lobelle redondearon o marcador galego. Os uruguaios tamén tiveron a súa ocasión cun gol de Nicolás Moliterno.

O ambiente nas gradas era inmellorábel. Os seareiros ilusionados agardaban a vitoria do seu equipo que "está a xogar moi ben", mentres que tras o primeiro tanto os xogadores ollaban nerviosos os toques de balón dos rivais e preparaban o gol que afianzase o marcador. Así foi, e non só con un, senón con outros cinco tantos os galegos acadaron unha vitoria merecida.

Bo partido e boa acollida do público. Agora só queda agardar ao seguinte partido e a seguinte festa dun dos deportes máis seguidos no noso país.

Crónica do encontro: A irmandiña do futsal golea a Uruguai


5/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: