Vieiros

Vieiros de meu Perfil


Bos Aires

Edición xestionada por Débora Campos
RSS de Bos Aires
CRISE EN AMERICA DO SUL

Na procura dunha "explicación convincente"

Carlos Álvarez, presidente da Comisión de Representantes Permanentes do Mercosur, considerou que Bogotá debe xustificar a incursión militar en territorio ecuatoriano. Este martes, a presidenta arxentina viaxa a Caracas.

Redacción - 17:50 04/03/2008
Carlos Álvarez

Carlos Álvarez

Nun marco conflitivo entre Colombia, Ecuador e Venezuela, por accións militares confusas ocorridas nas últimas horas, e pouco antes da viaxe da presidenta arxentina a Caracas e á República Dominicana, onde participará na XX Cimeira do Grupo de Río, a mandataria Cristina Fernández de Kirchner falou cos seus pares de Colombia, Álvaro Uribe; de Ecuador, Rafael Correa; de Brasil, Luiz Inácio Lula dá Silva; e de Chile, Michelle Bachelet.

Fernández de Kirchner en distintas comunicacións telefónicas xa falou este luns cos seus pares, segundo informaron fontes oficiais á axencia Telam. Pola súa banda, o presidente da Comisión de Representantes Permanentes (CRP) do Mercosur, Carlos Álvarez, considerou que Colombia debe dar explicacións pola incursión militar en territorio ecuatoriano, á vez que manifestou a súa solidariedade con Ecuador.

Explicación convincente

Álvarez salientou a xornalistas en México a importancia de que o goberno de Álvaro Uribe dea unha "explicación convincente" sobre o ingreso de tropas ao fronteirizo departamento ecuatoriano de Sucumbíos, onde o Exército colombiano matou o número dous das FARC, Raúl Reyes.

Nese sentido, Álvarez expresou a súa solidariedade con Ecuador e co seu presidente, Rafael Correa, e manifestouse preocupado polo conflito entre Caracas e Quito, suscitado pola actuación do goberno colombiano, segundo indica un comunicado de prensa da CRP.

Ademais, fixo un chamamento a ambos os dous gobernos a resolver o conflito a través do diálogo e a convivencia pacífica, en especial, en momentos en que a rexión está comprometida a avanzar no afondamento da integración suramericana.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: