Vieiros

Vieiros de meu Perfil


Edición xeral

RSS de Edición xeral
"Non sen Cosova"

Serbia podería aprobar unha resolución contra a integración na UE

A proposta dos ultranacionalistas do Partido Radical conta co apoio do primeiro ministro, Vojislav Kostunica, e coa oposición do presidente, Boris Tadic.

Redacción - 12:20 05/03/2008
Kostunica apoia a resolución

Kostunica apoia a resolución

Case con toda probabilidade, o parlamento de Serbia aprobará nuns días unha resolución para solicitarlle ao goberno do país que rompa todas as relacións diplomáticas coa Unión Europea até que rectifique o seu apoio a independencia de Cosova.

O proxecto, remitido polos ultranacionalistas do Partido Radical este martes, conta co apoio da formación do primeiro ministro, Vojislav Kostunica, (DSS) e mais do Partido Socialista, o que significaría o respaldo de 144 deputados dunha asemblea de 250.

Nun comunicado, Kostunica chamou esta semana á unidade nacional: "Pídovos a todos que digades claramente que Serbia vai ir a UE só coa súa Cosova". Pola súa banda, o Partido Democrático (DS) do presidente serbio, Boris Tadic, está "categoricamente en contra" da proposta, segundo un voceiro da formación.

Resolución
"Nós, representantes do pobo serbio, advertímoslle á UE que só unha única e non unha fragmentada Serbia pode e quere negociar a integración europea", estabelece a resolución, que engade: "O Parlamento exíxelle á UE que recoñeza de xeito claro e inequívoco que a integridade do territorio serbio é unha condición para retomarmos as conversas sobre a asociación de Serbia coa UE".


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: