Vieiros

Vieiros de meu Perfil


Edición xeral

RSS de Edición xeral
PESCA E AMBIENTE

O PP ofrécelle ao BNG un pacto para rexeitar o Plan Acuícola

Adega cre que os populares pretenden retomar o texto aprobado in extremis polo anterior Goberno, "que agredía a Rede Natura de forma total e absoluta".

Redacción - 18:40 05/03/2008
Cabo Corrubedo, unha das zonas afectadas polo Plan Acuícola / Google Maps

Cabo Corrubedo, unha das zonas afectadas polo Plan Acuícola / Google Maps

O voceiro de Pesca do PPdeG, Xosé Manuel Balseiro, ofreceulle este mércores ao BNG que deixe a "política barata" e se una aos populares no Parlamento para botar abaixo o Plan Acuícola da Xunta e consensuar un novo. O coordinador de organización de Adega, Martiño Fiz, criticou o ofrecemento: "Non vai no fondo da cuestión que plantexamos nós: a redefinición do Plan Acuícola". Segundo Fiz, o PP o que defende é a volta ao plan do anterior Goberno, que ameazaba aínda máis a Rede Natura. "A postura do PP non coincide cos ecoloxistas", engadiu.

No referente á intención de levar o Plan perante a Xustiza se se chega a aprobar, Martiño Fiz explicou que é unha máis das medidas que teñen pensado poñer en práctica. Volveu criticar o "anuncio electoralista" feito esta semana pola Consellaría de Pesca de reducir o proxecto inicial e dixo que "non vai rematar coas protestas", que asegurou que seguirán despois das eleccións do domingo. Fiz cualificouno de "caramelo que non vai ao fondo do problema": apartar as piscifactorías da costa, que instalen depuradoras e que non afecten aos espazos protexidos.

Sobre as afirmacións do voceiro da plataforma medioambiental de Corrubedo, Manoel Santos, que criticou por "feble" a postura do BNG fronte ao PSdeG arredor do Plan Acuícola, Fiz dixo que "son declaracións dun compañeiro que está na nosa loita connosco e non temos nada que engadir".


5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: