Vieiros

A Orquestra Sinfónica de Melide interpretará nos escenarios de Santiago de Compostela, de Ferrol e A Coruña, o musical Gallaecia. As actuacións terán lugar ás 20.30 horas o sábado no Auditorio de Galicia, na capital galega; o domingo no Teatro Jofre da cidade departamental e os días 15 e de marzo no Teatro Colón da cidade herculina.

Trátase dun espectáculo de máis de dúas horas de duración que reúne nun mesmo escenario a máis de cen artistas. Entre eles están a Orquestra Sinfónica de Melide -que actúa como fío condutor-, a soprano Susana de Lorenzo, o tenor Alberto Cunha; o grupo de folk Liorna, e as cantareiras e grupo de baile da Agrupación Folclórica Trompo ós Pes.Por primeira vez na historia de Galiza únense as distintas vertentes para dar formato a un musical galego que reúne todas as estéticas e estilos practicados na comunidade: a música sinfónica, a folk, a popular e a melódica, segundo afirma o responsábel da Orquestra Sinfónica de Melide.O espectáculo está dividido en catro partes. Na primeira o protagonismo corresponde á Sinfónica de Melide, que fará tamén de nexo entre o resto dos apartados. Na segunda parte, as interpretacións da sinfónica melidense uniranse aos ritmos de Liorna. A continuación será a quenda das cantareiras e do grupo Trompos ós pes.