Vieiros

"Hoxe é un día de loito e todos debemos estar unidos coa familia de Isaías Carrasco e todos unidos contra a ETA", afirmou o líder do PP na súa comparecencia para valorar o acontecido, "a única opción é a derrota da ETA coa lei, cos instrumentos do Estado de dereito, coas forzas de seguridade do Estado e coa insubornábel razón dos que formamos parte desa gran nación que é España".

"Todo o mundo sabe o que penso", dixo Mariano Rajoy, "os únicos culpábeis son os terroristas, os asasinos da ETA, e a única opción é a derrota coa lei". "Deben perder toda esperanza de conseguiren os seus obxectivos políticos, porque os españois non o imos consentir", seguiu Rajoy, "A liberdade e os dereitos individuais das persoas volverán a España, que ninguén teña dúbida", afirmou.