Vieiros

Vieiros de meu Perfil


Edición xeral

RSS de Edición xeral
Reaccións ao asasinato dun ex concelleiro socialista

O PSdeG condena o "vil asasinato" dunha persoa "comprometida coa democracia"

"Os terroristas nunca poderán cambiar a soberanía dos cidadáns, que se expresará o próximo domingo", afirman os socialistas galegos nun comunicado.

Redacción - 18:00 07/03/2008

"O PSdeG trasládalles a todos os cidadáns a necesidade de que o próximo domingo manifesten o rexeitamento e a condena deste crime e a homenaxe a Isaías mediante a participación masiva nas eleccións", indican nunha mensaxe feita pública na tarde do venres.

O PSdeG-PSOE expresa en primeiro lugar o seu pésame aos familiares, amigos e compañeiros do ex-concelleiro socialista Isaías Carrasco "e transmítelles toda a súa solidariedade, cariño e afecto nestes momentos de inmensa dor".

"A banda terrorista ETA volveu cometer un acto criminal", láianse os socialistas, "O PSdeG-PSOE amosa a súa máis absoluta condena e a súa infinita repulsa ante o vil asasinato dunha persoa indefensa que se comprometera ao longo da súa vida coa democracia, os valores e principios que rexen a nosa convivencia pacífica".

"A banda terrorista ETA ten que saber que nunca conseguirá os seus obxectivos, que os demócratas, non nos renderemos ata que consigamos a súa total desaparición (...) A fin última dos asasinos de Isaías é ser detidos, xulgados e condenados a pasar moitos anos no cárcere", indican no comunicado.

Os socialistas reiteran que "o terror das pistolas non pode substituír a vontade dos cidadáns, a mellor resposta aos tiros son os votos, a libre manifestación da democracia". "Os terroristas nunca poderán cambiar a soberanía dos cidadáns, que se expresará o próximo domingo", din.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: