Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Declaración conxunta

Todos os partidos de Arrasate agás ANV, que se abstivo, condenan o asasinato

Ademais da condena, aprobada cos votos favorábeis de PNV, PSE, EB-Zutik e Aralar, a Xunta de Portavoces acordou situar a capela ardente na sala de plenos do Consistorio.

Redacción - 19:36 07/03/2008
Vista da vila vasca de Arrasate

Vista da vila vasca de Arrasate

Todos os partidos políticos do Concello de Arrasate (Euskadi) agás ANV, que se abstivo, aprobaron unha declaración conxunta en que realizan unha "condena rotunda do vil asasinato" do ex concelleiro socialista Isaías Carrasco.

Ademais da condena, aprobada cos votos favorábeis de PNV, PSE, EB-Zutik e Aralar, a Xunta municipal de Portavoces acordou situar a capela ardente na sala de plenos do Consistorio, onde Carrasco "foi concelleiro e a súa familia reclamou que estea".

Tamén convocou unha concentración para o sábado, ás doce do mediodía, na Praza do Concello, e unha manifestación de repulsa, o luns, ás 19.00 horas. ANV, con sete edís, goberna en coalición cos tres edís de EB-Zutik.

Dende esta formación salientaron nun comunicado que "non hai ningunha razón de tipo político, nin de carácter ético" que "xustifique o asasinato dun ser humano, independentemente do seu proxecto, as súas ideas e a súa identidade".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: