Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
LECTURA POÉTICA NA UB O MÉRCORES 12 DE MARZO ÁS 11:30

Luz Pozo Garza: "Esta son eu agora e vexo o mundo"

Intervencións no Congreso Escritores-Profesores e na Universidade de Barcelona.

Redacción - 21:31 09/03/2008
Tags: Luz Pozo UB

A académica da RAG e a escritora Luz Pozo Garza participan no I Congreso Escritores-Profesores que, en homenaxe ao poeta Antonio Machado, se celebra nas cidades que marcan o itinerario vital do poeta. Durante a súa estadía en Barcelona ofrecerá unha lectura poética da súa obra na UB, presentada por Olivia Rodríguez, profesora de teoría da literatura na Universidade da Coruña. O acto, organizado por Filologies Gallega i Portuguesa e mais o Centre Dona i Literatura, será presentado por Basilio Losada, amigo persoal da escritora, ademais de antólogo dalgúns dos seus poemas para edicións españolas de poesía galega contemporánea.

Luz Pozo Garza (Ribadeo, 1922) é unha das poetas galegas máis destacadas da poesía galega desde a postguerra. Directora das revistas Nordés e Clave Orión, colaborou en como crítica literaria e como creadora en Ínsula e Grial. Entre os seus libros cómpre salientar Códice calixtino (1986), Prometo a flor de loto (1992), Vida secreta de Rosalía (1996), Medea en Corinto (2002) e As arpas de Iwerddon (2005).

Lectura poética "Esta son eu agora e vexo o mundo"
Luz Pozo Garza, presentada por Olivia Rodríguez

Mércores 12 de marzo ás 11.30 h

Aula 103B -Edifici Històric
Facultat de Filologia - Universitat de Barcelona
Gran Via de les Corts Catalanes, 585 | 08007 Barcelona

Asistencia aberta.


Ligazóns

2.6/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: