Vieiros

Oculta identidade é un thriller, protagonizado por Rubén Riós (Libro de Familia, Pradolongo...), que comeza coa desaparición dun estudante e a búsqueda que emprenden os seus amigos. Ás nove da noite deste martes 11 de marzo estrearase o primeiro capítulo, duns dez minutos, e cada semana aparecerá unha nova entrega.

A serie foi creada e dirixida por Bruno Nieto, estudante de primeiro curso de produción audiovisual na Escola de Imaxe e Son da Coruña. A primeira serie que Bruno Nieto colgou en youtube chamábase Nada es lo que parece e chegou aos dez capítulos (de case dez minutos cada un), cun total de máis de 50 mil visionados. Neste segundo traballo aumenta a profesionalidade e a calidade da produción, a serie escribiuse e filmouse integramente en galego, e Bruno contou coa colaboración dos seus compañeiros da EIS.