Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Dúas pequenas estrelas do taekwondo galego

Estefanía Hernández e Andrea Rica han participar no Campionato Europeo Absoluto

A primeira do clube Natural Sport de Ribeira, e a segunda do Tao de Vigo fan parte da selección española que ha viaxar a Roma para competir do 10 ao 13 de abril.

Redacción - 10:30 14/03/2008
Andrea Rica

Andrea Rica

Andrea Rica, de 22 anos, adestra no CAR de Barcelona e é a actual campioa de España en -55 Kg. (categoría Galo). Rica xa ten experiencia na competición internacional, pois en 2005 conseguiu a prata da Universiada de Izmir; o ano a seguir, o 2006, veu o bronce no Europeo; e o ano pasado gañou outra medalla de bronce na Copa de Europa. Ademais, foi convocada pola selección estatal para o Preolímpico Mundial 2007, pero non conseguiu praza olímpica porque non a había para o seu peso.

E Fani Hernández, de 22 anos tamén, adestra no CGTD de Pontevedra, e conseguiu este ano o título de campioa estatal na categoría Pluma (-59 Kg.). A tempada pasada tamén foi moi boa para Fani, posto que conseguiu os títulos de subcampioa de España, campioa da Copa do Rei de pesos olímpicos, campioa de España universitaria e campioa dos Opens de México e Francia. Xa foi medallista no Campionato do Mundo Júnior en 2002, mais por causa dunha serie de lesións no xeonllo viuse apartada das competicións por un tempo, e a piques estivo de ter que abandonar a súa carreira deportiva. Na actualidade, xa recuperada, segue a ser unha das mellores taekwondistas do país.

O traballos destas mozas "augura un vindeiro ciclo olímpico cargado de esperanza para o taekwondo galego"
Na Federación Galega de Taekwondo amosaron a súa satisfacción por esta "merecida convocatoria e polo feito de que estas dúas deportistas sexan a primeira e a segunda clasificada na listaxe olímpica". Tamén lamentan que Andrea Rica non fose vaia ir a Beixín, mais lembra que neste deporte a idade de máximo rendemento está entre os 26-28 anos, e as dúas taekwondistas aínda son novas.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: