Vieiros

Vieiros de meu Perfil


Edición xeral

RSS de Edición xeral
Despois de aprobala o goberno español

A Audiencia Nacional autoriza a entrega de Cavallo á xustiza arxentina

O ex militar é acusado de ser o responsábel de 228 desaparicións e 128 secuestros durante a ditadura de Videla. Arxentina leva tempo pedindo a cesión do seu caso.

Redacción - 11:55 14/03/2008
Cando foi detido en México

Cando foi detido en México

Ricardo Miguel Cavallo é un ex militar da ditadura arxentina, que, ademais de ser o presunto responsábel de 228 desaparicións e 128 secuestros, está acusado de ser un dos principais operadores da Escola de Mecánica da Armada (ESMA), o meirande centro clandestino de detención que se mantivo operando de 1976 até 1983.

Cavallo fuxiu a México tentando evitar a xustiza, pero, tras varios anos de impunidade, foi detido en 2000, após ser recoñecido por varios superviventes dos centros clandestinos da ditadura. En 2003 foi extraditado ao Estado Español por petición do xuíz da Audiencia Nacional española, Baltasar Garzón, acusado de delitos de xenocidio e torturas perpetradas durante a ditadura arxentina. Naquela altura foi procesado, mais en 2005 a Audiencia Nacional declinou xulgalo e comezaron os procesos para darlle prioridade aos tribunais arxentinos que investigaban ao ex militar.

Despois de aprobar o goberno español a súa extradición a Arxentina (o pasado 29 de febreiro), esta sexta feira a Audiencia Nacional española autorizou a entrega de Ricardo Miguel Cavallo. A orde será executada vía Interpol, e a causa aberta contra el no Estado Español será arquivada.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: