Edición xeral
A policía da ONU retírase de Mitrovica tras os altercados con serbocosovares
Unha vintena de axentes polacos da UNMIK e oito soldados da OTAN resultaron feridos este luns. Hai 53 persoas detidas.
Os manifestantes atacaron con pedras e lume as forzas internacionais
A policía da ONU en Cosova (UNMIK) recibiu a orde de retirarse da localidade de Mitrovica, na fronteira con Serbia, onde centos de serbocosovares contrarios á independencia deste territorio realizaron unha manifestación que finalizou violentamente.
Polo menos 22 policías polacos e oito soldados das forza da OTAN despregada en Cosova (KFOR) resultaron feridos este luns despois de que os manifestantes atacasen un tribunal de Mitrovica, informan as axencias internacionais.
"Deuse orde á policía da UNMIK de que se retire do norte debido aos violentos disturbios", sinalou a un portavoz da ONU en Pristina.
Antes de que actuasen os axentes de seguridade, varios centos de soldados franceses, que acordoaran a zona do tribunal, foron atacados con pedras e artigos pirotécnicos.
Arredor de 120.000 serbocosovares viven na ex provincia serbia, declarado estado independente o pasado 17 de febreiro.
Novas relacionadas
- Disolto oficialmente o goberno de Serbia: eleccións o 11 de maio
- Serbia podería aprobar unha resolución contra a integración na UE
- Os gobernos serbio e ruso piden que non haxa máis violencia "polo ben de Serbia"
- Un morto e 80 feridos logo do ataque á embaixada de EUA en Belgrado
- Cosova independente: todo ben?
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto