Vieiros

O presidente da Unión de Protectoras de Animais Federadas de Galiza e responsábel da sociedade protectora de Lugo, Javier García Calleja, denunciou esta terza feira o "abandono masivo" de cans empregados na caza, unha vez que termina a tempada.

Segundo dixo García Calleja, este feito xa se ten convertido nunha tendencia que se repita ano tras ano en febreiro e marzo, mais tamén en comezos da tempada (outubro, novembro e decembro), cando os cans son abandonados porque os cazadores consideran que xa non lles serven.

Control nas identificacións dos cans
O presidente da Unión de Protectoras de Animais Federadas de Galiza tamén lamentou o "pouco control" que existe sobre os chips de identificacións que debe levar, obrigatoriamente, este cans, ou que, aínda estando identificados, non estean dados de alta no rexistro de animais domésticos, o que lles permite aos seus donos desfacerse deles en canto o desexen, ao tempo que evitan ser localizados.

As protectoras galegas piden, neste sentido, a axuda das administracións para que non se repitan estes feitos.