Vieiros

O presidente venezuelano subliñou que está "disposto con Sarkozy" a buscar a Ingrid Betancourt e a un grupo de persoas, malia "as puñaladas que recibimos, as ameazas, se podemos ser útiles para salvar unha vida, aquí estamos á orde".

O presidente venezuelano aclarou que "perdín total contacto coas Farc. Nunca o tiven, comecei a telo cando o Goberno de Colombia abriu a porta para que empezásemos a mediar".

Dixo que aínda continúa disposto a cooperar para lograr a liberación de todos os retidos, con todo, comentou que "a situación está moi complicada".

Revelou que o presidente Sarkozy solicitoulle establecer contacto con Iván Márquez, considerado o responsábel de Relacións Exteriores das FARC. Respecto diso, comentou que a el o "andan cazando," porque veu aquí e a súa presenza fíxose pública. "Eu non podo convocar a Márquez de novo ou enviarlle un emisario para que detrás veñan as bombas. Perdeuse totalmente a confianza".

Sinalou que é preciso "un conxunto de xestos dos gobernos de Colombia e Estados Unidos para reactivar os camiños da liberación, o troco humanitario e a paz en Colombia".

Finalmente, solidarizouse coa situación en Bolivia e fixo un chamado á comunidade internacional respecto diso. "Teñen a nosa solidariedade e avogamos pola unidade e o respecto polo Goberno elixido constitucionalmente".