Vieiros

Dous manifestantes foron arrestados despois de tentar apagar o facho olímpico, que este domingo está sendo paseado pola rúas de Londres por numerosos deportistas e personalidades. A detención dos dous activistas causou balbordo entre a xente que se apostaba nos lados da rúa para ver a chama olímpica pasar por Ladbroke Grove. Os detidos portaban extintores cun letreiro no que se lía 'Extintor da propaganda'.

As protestas en toda cidade pola represión chinesa contra o pobo tibetano tiveron xa como consecuencia unha trintena de detidos entre o sábado e o domingo. Londres acollerá os Xogos Olímpico de 2012, tomando o relevo de Beixín.