Vieiros

O cántabro Félix Javier Martínez e a madrileña Ana Burgos proclamáronse campións estatais de duatlón en categoría masculina e feminina. Para Burgos xa era o cuarto título consecutivo, moi valorado, estando a piques de se crecer o combinado español para Beixín 2008, onde a atleta madrileña podería ser a principal a aposta.

Valiño segue gañando
A lucense Aída Valiño conseguiu, polo seu lado, o Campionato Estatal sub-23, tras entrar de novena na meta, a 2:09:14 de Burgos. Xusto detrás dela entrou a súa compañeira, a boliviana Agnes Kay Eppers, quen segue a liderar a listaxe estatal de duatlón cross, estando de segunda, por detrás de Helena Herrero na de duatlón.

Na mesma categoría que Valiño, na sub-23, proclamouse campión estatal un seu compañeiro no clube lugués, o valenciano Jesús Gomar.

Desta volta o Cidade de Lugo Club Fluvial volveu demostrar o que valen os seus atletas. De feito, o clube conseguiu tres podios dos catro que había. Por equipos o Fluvial terminou terceiro nas dúas categorías, absoluta e sub-23.