Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Ante a Federación Internacional de Deporte Universitario (FISU)

O CSD transmite o apoio do Estado á candidatura de Vigo á Universiada

Na segunda feira membros da institución española viaxaron a Bruxelas para darlle soporte á solicitude da cidade olívica para acoller as Olimpíadas universitarias en 2013.

Redacción - 12:00 08/04/2008

Responsábeis do Consello Superior dos Deportes (CSD) viaxaron esta segunda feira até Bruxelas, para visitar a sede da Federación Internacional de Deporte Universitario (FISU), coa idea de amosarlle a este organismo o "apoio institucional" do goberno español á candidatura de Vigo a acoller a Universiada en 2013.

Á capital belga viaxaron o director xeral de Deportes do CSD, Manuel Fonseca, e o subdirector de Promoción Deportiva, Antonio Montalvo, para entrevistarse co presidente e o secretario xeral da FISU, George E. Killiam e Eric Saintrond, respectivamente, e trasladarlles o apoio do Ministerio de Educación e Ciencia e do CSD a Vigo. A viaxe vai reforzada por unha carta escrita polo secretario de Estado para o Deporte, Jaime Lissavetzky.

Contra Corea a Rusia
Despois de ser escollida, após unha loita contra Murcia, Vigo debe pelexar con outras dúas candidaturas, a da cidade de Kwang Ju (Corea) e Kazas (Rusia) e a da cidade de (Corea). As tres han presentar á FISU esta cuarta feira os seus respectivos dossieres.

A decisión final coñecerase a finais de maio, durante a Asemblea da Federación de Deporte Universitario.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: