Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Boletín do IGAEM

As compañías teatrais medraron máis do 16% en 2007

Os datos indican que 21 destas compañías conseguiron superar os 100.000 euros, trece máis que en 2005.

Redacción - 09:40 10/04/2008
Os monicreques de Valdemuller

Os monicreques de Valdemuller

As compañías teatrais medraron economicamente un 16 por cento en 2007 e no caso dos monicreques, este incremento foi aínda máis elevado, chegando a acadar o 33 por cento de subida, segundo indican os datos recollidos polos grupos programados o ano pasado na Rede Galega de Teatros e Auditorios e na Rede Galega de Salas.

Estes datos, recollidos no boletín do IGAEM, reflicten ademais un incremento das compañías que acadaron os 100.000 euros durante o pasado ano, situándose en 21, un número moi superior ás tan só 8 que chegaban a esta cifra en 2005. Durante 2007 tamén se incrementou nun 2 por cento o número de espazos escénicos, un 8 na programación e un 25 por cento nas dotacións económicas.

As iniciativas do Plan Galego das Artes Escénicas para 2008, continúan nesta liña, para incrementar o progreso acadado na anterior campaña. Así, procederase ao progresivo aumento dos recursos financeiros até chegar a superar os 2 millóns de euros entre as sete modalidades convocadas, e estrearase o Crédito Cultura, na procura dunha maior presenza da música e a danza nas súas políticas.

O sector musical


O musical será un dos sectores máis beneficiados, debido á creación de novas liñas de axuda, destinadas á promoción de traballos discográficos, á actuación dos artistas galegos fóra da nosa terra e a impulsar a presenza de empresas musicais en feiras de carácter internacional, ademais de continuar coa Rede Galega de Música ao Vivo que comezou a camiñar en 2007, e da marca Galician Tunes.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: