Vieiros

Vieiros de meu Perfil


Edición xeral

RSS de Edición xeral
Traspaso de competencias

Méndez Romeu coida que o proceso da transferencia de Tráfico comezará en 2008

Considera que sería "o normal", aínda que recoñece que "é moi difícil falar de prazos nesta materia".

Redacción - 18:25 11/04/2008
Méndez Romeu, esta cuarta feira no Parlamento

Méndez Romeu, esta cuarta feira no Parlamento

O conselleiro de Presidencia, Xosé Luís Méndez Romeu, agarda que o proceso ordinario de negociación para o traspaso da competencia de Tráfico dea comezo antes de que remate o ano.

Antes, a proposición de lei deberá ser aprobada polas Cortes españolas. Unha delegación de parlamentarios galegos, encabezada polo vicepresidente da Xunta, Anxo Quintana, encargarase de presentala e defendela en Madrid.

Méndez Romeu recoñeceu que "é moi difícil falar de prazos nesta materia", mais considerou que "o normal" sería que este primeiro trámite chegue ao longo de 2008, e logo iniciaríase o proceso de negociación para o traspaso definitivo da competencia.

Eleccións ao Parlamento
Por outra banda, o titular de Presidencia insistiu ante preguntas dos medios de comunicación en que será o presidente da Xunta, Emilio Pérez Touriño, quen decida a data en que se organicen as eleccións autonómicas, mais "na data máis axeitada" e que os socialistas "estarán sempre preparados para cando corresponda".


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: