Vieiros

Vieiros de meu Perfil


Edición xeral

RSS de Edición xeral
Incremento de oficinas e negocio

La Caixa e Caja Madrid asentan en Galiza

As entidades financeiras incrementaron o 21 e o 25 por cento respectivamente o seu volume de negocio durante 2007.

Redacción - 09:00 16/04/2008

Caja Madrid rexistrou en 2007 un crecemento de 611 millóns de euros máis que en 2006, o que supón un incremento do volume de negocio do 25,8 por cento. A entidade madrileña atribúe este incremento á posta en marcha a principios do pasado exercicio o Proxecto 2010, polo que ampliará a rede en Galiza con 9 novas oficinas nos vindeiros tres anos, até chegar aos 97 puntos de venda.

Por outra banda, La Caixa tamén incrementou a súa presenza no noso país, acadando un volume de negocio de 7.866 millóns de euros, o 21 por cento máis que no ano anterior. Esta entidade conta xa con 268.000 clientes particulares e 14.800 empresas acadados grazas á aposta pola banca privada, as empresas, os autónomos e o comercio, segundo afirmou o seu director executivo, Juan José Muguruza. "Buscamos investimentos en Galiza" xa que o sector industrial non tivo os descensos tan acusados como outros colectivos.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: