Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Os seus ciclistas ocupan as dúas primeiras posicións

O Karpin Galicia lidera a Volta a Turquía

David García e Gustavo C. Veloso son primeiro e segundo respectivamente no rolda turca.

Redacción - 10:39 17/04/2008
David García, en Turquía, co maillot amarelo

David García, en Turquía, co maillot amarelo

Os ciclistas do Karpin Galicia David García e Gustavo C. Veloso lideran a Volta a Turquía á conclusión da terceira etapa, disputada entre Bodrum e Marmaris, sobre 166.8 quilómetros, e que tivo como vencedor ao italiano Matteo Priamo (CSF Group Navigare).

O terceiro e cuarto postos alcanzados polos corredores galegos nesta etapa permitíronlles situarse primeiro e segundo na xeral. Nesta clasificación David García supera en catro segundos a Veloso, conseguidos nas bonificacións do terceiro posto da etapa; en 25 a Jacobs (Silence-Lotto) e Benitez (Saunier Duval), e en 1-12 a Petrov (Benfica).

A terceira etapa irá de Marmaris a Oludeniz a través dun percorrido de 177,7 quilómetros sobre un terreo moi ondulado, que ofrece un porto a dez quilómetros da meta.

As impresións dos directores deportivos (Vidal e Pino)
José Anxo Vidal, que dirixe ao equipo na carreira, comentou que a "volta faise dura, porque o terreo é bastante rompepernas e o asfalto moi áspero. Os ciclistas quéixanse de que agarra moito". Tanto el como Álvaro Pino coinciden en sinalar que non será fácil manter o liderato, porque "é moi difícil controlar unha carreira na que participan 25 equipos e cada un con só seis corredores".


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: