Vieiros

Vieiros de meu Perfil


Fwwwrando

RSS de Fwwwrando
ESTUDO SOBRE A ORIXE DO UNIVERSO

A Consellaría de Innovación premia o labor investigador de Carlos Pajares

A distinción a novos investigadores recaeu conxuntamente no químico Miguel Anxo Correa e no enxeñeiro en telecomunicacións Roberto López Valcarce.

Redacción - 11:04 17/04/2008
Carlos Pajares

Carlos Pajares

O físico e ex-reitor da Universidade de Santiago Carlos Pajares foi recoñecido co premio Antonio Casares e Rodrigo de Investigación Científico-Tećnica do Premio Galicia de Investigación. A distinción, concedida pola Consellaría de Innovación e Industria, valora os estudos de Pajares sobre a orixe e a composición do Universo.

Así mesmo, o xurado concedeulles ex aequo o premio na categoría de novos investigadores a Miguel Anxo Correa, doutor en Químicas, e a Roberto López Valcarce, doutor enxeñeiro en Telecomunicacións, os dous nados en 1971. No primeiro caso valorouse o seu traballo no desenvolvemento de novos materiais aplicábeis a sectores como a nanomedicina e a construción, mentres que o segundo investigador traballa na área do procesado do sinal para a eliminación de distorsións no proceso de transmisión das comunicacións dixitais.

Os Premios Antonio Casares e Rodrigo pretenden recoñecer o traballo de investigadores do país para incentivar a actividade e recompensar o seu traballo feito por galegos a prol de Galiza. O galardón está dotado con 38.000 euros na categoría sénior e 7.000 na de investigadores novos. O gala de entrega desenvolverase o 27 de maio en Compostela.


3.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: