Vieiros

Os técnicos de Cultura entraron este xoves no Pazo de Meirás, actualmente propiedade da familia Franco, para posteriormente elaborar un informe a través do cal determinar se se declara este patrimonio como Ben de Interese Cultural. O alcalde de Sada, Abel López, mostrouse a favor da recuperación do Pazo para sociedade xa que “a cidadanía por fin podería entrar a visitalo”.

A comisión que elaborará o informe, formada por un arqueólogo, unha arquitecta e unha historiadora da arte, entraron no pazo ás dez da mañá do xoves e permaneceron no seu interior até as dúas da tarde. Pola tarde continuaron coa recolleita de datos para a elaboración do informe. Trala inspección, a Consellaría de Cultura prevé un período non superior a 18 meses para a resolución do expediente.

• Anteriores: A devolución do Pazo de Meirás, tamén pola vía xudicial