Vieiros

Vieiros de meu Perfil


Edición xeral

RSS de Edición xeral
Histórico cambio político

Fernando Lugo consegue a vitoria en Paraguai

O ex bispo liderou a vitoria da alianza da esquerda, despois de seis décadas de hexemonía do Partido Colorado.

Redacción - 07:30 21/04/2008
Fernando Lugo / Flickr: Fernando Lugo APC

Fernando Lugo / Flickr: Fernando Lugo APC

Segundo a información transmitida polo Tribunal Superior de Xustiza Electoral de Paraguai, e con máis do 90% dos votos escrutados, Fernando Lugo, á cabeza da Alianza Patriótica para o Cambio, recibiu o apoio do 40,8% do electorado. Atrás del quedou o Partido Colorado, coa ex ministra de Educación e candidata oficialista Blanca Ovelar á fronte, co 30% do voto. En terceiro lugar, o movemento UNACE, co xeneral Lino Oviedo como cartel, obtivo o 20% dos votos.

Os observadores internacionais felicitaron tamén a calma coa que transcorreu un proceso electoral no que se temía que puidesen producirse fraudes. A tensión foi aumentada ademais por declaracións como a do presidente saínte, Nicanor Duarte, quen fronte á inminencia da derrota falou da presunta influencia de "colaboradores extranxeiros" nestes comicios.


Fernando Lugo, quen fora definido pola prensa hai tempo como "o bispo dos pobres", consegue así á fronte dunha complexa coalición, unha vitoria que remata con sesenta e un anos de hexemonía dos colorados no país. Con todo, agóiraselle unha complicada tarefa de goberno, diante dos problemas dun país con esaxeradas fendas no reparto de riqueza entre a poboación, con débiles cifras macroeconómicas e con anos de lastre dunha estrutura de poder clientelista reproducida durante décadas.

  • Colorín Colorado, crónica de Ana Miranda, que participa como Observadora Internacional, convidada pola Corte Electoral paraguaia


4,6/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: