Vieiros

Vieiros de meu Perfil


Edición xeral

RSS de Edición xeral
'Si á democracia participativa'

Desaloxan do Parlamento a varios membros de EU que despregaron unha pancarta

Interromperon a sesión plenaria, coreando lemas a prol da reforma da Lei electoral dende a bancada da cámara.

Redacción - 14:10 22/04/2008

Unha quincena de representantes de Esquerda Unida, encabezados pola súa coordinadora, Iolanda Díaz, interromperon con berros dende a bancada a sesión do pleno do Parlamento para reclamaren unha reforma da Lei electoral que rebaixe do 5% ao 3% de votos o mínimo legal para obter representación.

A presidenta da Cámara, Dolores Villarino, parou a sesión e ordenou o desaloxo dos membros de EU, que portaban unha pancarta co lema Si á democracia participativa e corearon lemas como "Tres por cento, democracia".

Unha vez desaloxados e xa no exterior do hemiciclo, Iolanda Díaz advertiu en declaracións aos medios de que a de hoxe é "a primeira acción que Esquerda Unida fai no Parlamento para reclamar a reforma da Lei electoral e avanzou que continuarán con mobilizacións e propostas dentro e fóra da Cámara.

Tamén, lembrou a iniciativa lexislativa popular que xa presentaron e o "compromiso" que PSdeG e BNG subscribiron con esta modificación no seu pacto de goberno. Ademais, Díaz avanzou que solicitaron entrevistas cos voceiros parlamentarios e coa presidenta da Cámara para presentarlles as súas reclamacións e lograr que Galiza "sexa plural".


4,75/5 (16 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: