Edición xeral
O BNG solicita as comparecencias de Espinosa, Chacón e Moratinos polo secuestro do 'Playa de Bakio'
Para informar das medidas que está a adoptar o goberno español neste caso, así como para evitar que se poidan producir de novo.
A deputada do BNG no parlamento español Olaia Fernández Davila solicitou esta martes as comparecencias na cámara dos ministros responsábeis do gabinete de crise que está a xestionar o secuestro do Playa de Bakio; é dicir, a ministra de Medio Mariño, Elena Espinosa, a de Defensa, Carme Chacón, e o de Asuntos Exteriores, Miguel Ángel Moratinos.
O obxectivo é, segundo informaron fontes nacionalistas, que o goberno español informe os representantes parlamentarios da situación do atuneiro secuestrado, así como das actuacións levadas a cabo até o de agora polo executivo para a liberación dos 26 mariñeiros.
Ademais, con vistas ao futuro, o BNG quere que se expliquen que medidas ten previsto adoptar o goberno español para evitar que este tipo de sucesos se repitan e para garantir a seguridade dos pesqueiros que faenan nesas augas.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto