Vieiros

No transcurso da reunión, os representantes da organización mariña presentaron á Conselleira os plans de Oceana para levar a cabo, nos próximos meses, investigacións en augas galegas destinadas a promover a creación de novas áreas mariñas protexidas nesta comunidade autónoma. Estes traballos levarán a cabo a bordo do catamarán Oceana Ranger mediante a utilización de mergulladores e un robot submarino con capacidade de inmersión de ata 300 metros.

Os representantes de Oceana mostraron o seu apoio á recente creación da reserva mariña dos Miñarzos na Costa da Morte, pero expuxeron a necesidade de declarar novas áreas mariñas protexidas ao longo da presente lexislatura para cumprir cos convenios internacionais, como a Convención de OSPAR para a conservación do Nordeste Atlántico, e o Convenio pola Conservación da Biodiversidade de Nacións Unidas, que establecen a obrigatoriedade de que polo menos un 10% da superficie mariña estea protexida respectivamente antes do 2010 - 2012.

Por outra banda, Oceana manifestou a súa preocupación polo estado de sobreexplotación de diversos recursos pesqueiros como o lagostino, a pescada, o galo e o atún vermello.

Para rematar, os membros de Oceana fixeron chegar á Conselleira a súa inquietude pola actividade frecuentemente ilegal levada a cabo internacionalmente por determinados empresarios pesqueiros con base en Galicia