Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
O deporte galego segue acadando éxitos

A selección galega de judo trae oito medallas do Campionato Estatal Sub23

A canteira do país demostrou o que vale máis un vez, desta volta en Madrid, gañando dous ouros, tres pratas e tres bronces.

Redacción - 12:35 29/04/2008
A selección galega sub 23

A selección galega sub 23

A selección galega de judo volveu demostrar, a pasada fin de semana, que a canteira está moi viva e que vale o seu peso en ouro... Ouros, dous; pratas, tres e bronces tamén tres, esta é a listaxe de medallas que trouxeron os deportistas do Campionato Estatal sub 23 que se desenvolveu en Torrejón (Madrid), esta fin de semana.

As dúas medallas de ouro foron para a luguesa Sara Álvarez e a coruñesa Carla Mosquera, dúas grandes promesas do judo galego. Polo seu lado Jesús Maquieira, que viña defender o seu título de campión, conseguido o ano pasado, tivo que se conformar coa medalla de prata, posto que acusou moito o tempo que estivo sen adestrar por mor do traballo.As outras dúas medallas de prata foron para Alejandro Sanmartín e para Rubén Perrino.

Os bronces conseguíronos Diego Abad, Paula Vilacoba e Elda García que demostraron, como o resto do equipo, o seu gran nivel.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: