Vieiros

Vieiros de meu Perfil


Edición xeral

RSS de Edición xeral
Descontos de castigo

Os gandeiros denuncian represalias por vender o leite a empresas que lles pagan máis

Industrias Lácteas Asturianas está a pagar 10 céntimos menos aos produtores cando estes lles venden o leite a outras empresas.

Redacción - 17:54 29/04/2008

Gandeiros, apoiados polo Sindicato Labrego Galego (SLG) denunciaron as represalias económicas efectuadas pola multinacional Industrias Lácteas Asturianas. Cando os produtores deciden vender o leite a outras empresas que lles pagan máis, a industria asturiana paga a última entrega aplicando un "desconto de castigo", aproveitando o feito de que neste sector os pagos efectúanse a mes vencido.

Segundo indica o SLG, este tipo de prácticas son habituais e independentes das baixadas do prezo do leite que se rexistraron nos dous últimos meses. Xa no mes de decembro, cando aínda non empezaran os descensos nos prezos, a empresa asturiana practicoulles aos produtores un desconto de 10 céntimos, "aparte de outras anomalías na facturación", concretamente, os prezos base pasaron de 0,34 a 0,24 euros.

Ante esta situación, o SLG anima aos gandeiros que estean nesta situación a denunciar ás Industrias Lácteas Asturianas-Reny Picot ante os tribunais de xustiza.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: