Vieiros

Vieiros de meu Perfil


Euskadi

Edición xestionada por Vieiros
RSS de Euskadi
ACÚSAA DE COLABORAR CON ETA

Garzón decreta prisión incondicional para a alcaldesa de Arrasate

Poucas horas despois de que se coñecese a decisión da Audiencia Nacional estouraron tres bombas en Arrigorriaga e Donostia que só causaron danos materiais.

Redacción - 11:29 01/05/2008

O xuíz da Audiencia Nacional Baltasar Garzón ordenou a última hora da tarde deste mércores o ingreso en prisión da rexedora de Arrasate, Inocencia Galparsoro (ANV). O maxistrado considera que a alcaldesa da localidade guipuzcoana cometeu un delito de colaboración con ETA e outro de desobediencia á orde de suspensión de actividades de ANV.

Galparsoro encabezou en maio de 2007 a candidatura de ANV, que logrou sete concelleiros. No municipio de Arrasate, que conta con 22.000 habitantes, tamén están representados o PSE (4), PNV (4), Ezker Batua (3), Eusko Alkartasuna (1), PP(1) e Aralar(1).

Os grupos municipais de Ezker Batua, Eusko Alkartasuna e Aralar fixeron público un comunicado no que exixen a posta en liberdade da alcaldesa de Arrasate, ao considerar que non hai razóns obxectivas para un encadeamento que cualifican de "inexplicábel".

Bombas
Poucas horas despois da decisión xudicial, e coincidindo co Primeiro de Maio, estouraron tres bombas en distintos puntos de Euskadi. As explosións producíronse poucos minutos despois da medianoite deste xoves. O primeiro artefacto estoupou na localidade biscaína de Arrigorriaga, fronte a un local do Ministerio de Traballo e Asuntos Sociais e os dous restantes, colocados en Donostia, tiñan como obxectivo o Instituto Vasco de Seguridade e Saúde Laboral. Só produciron danos materiais, e de escasa importancia.


3.67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: