Vieiros

Preguntado polo impacto "social e económico" da chegada de traballadores portugueses a Galiza, o conselleiro de Traballo responde para o público que se trata dun impacto "grande", recordando que son 13.500 traballadores rexistrados na Seguridade Social, deles case dez mil no sector da construción civil. Ao respecto, e malia que cualifica de "recesión" a situación no sector, sinala que Galiza "está facendo presión sobre o goberno español para que este incremente as obras públicas" e di ter "a esperanza e a confianza" de que iso "axude a suplir o abrandamento do sector privado".

No entanto, Varela considera que as previsións de construción de vivenda social, entre outras, farán que siga sendo necesaria a man de obra portuguesa. Por outro lado, o conselleiro recoñece a necesidade dun control máis "exhaustivo" sobre a contratación e a situación dos traballadores lusos, destacando o acordo recente para a colaboración galego-portuguesa neste ámbito. Ao fío cita como fraudes máis habituais a da ausencia da propia inscrición na Seguridade Social, os abusos na xornada de traballo ou os salarios por baixo dos convenios do sector.

• A entrevista completa no Público: "A Galiza vai continuar a precisar de mão-de-obra portuguesa"