Vieiros

Vieiros de meu Perfil


Edición xeral

RSS de Edición xeral
En todos os que abren até as 2.00 horas

Controis de alcolemia obrigatorios á saída dos pubs franceses

O goberno galo estuda este luns a proposta conxunta dos ministros galos de Saúde e do Ambiente, que podería entrar en vigor no verán.

Redacción - 11:00 12/05/2008
O consumo de alcol é unha das principais causas de accidentes de tráfico

O consumo de alcol é unha das principais causas de accidentes de tráfico

Tras unha fin de semana con 17 mortos nas estradas, os ministros do Ambiente e de Saúde, Jean-Louis Borloo e Roselyne Bachelo, respectivamente, presentarán este luns ante o Executivo que preside Nicolás Sarkozy unha proposta para impoñer controis de alcolemia a todos os clientes dos pubs, bares e cafés que permanecen abertos até as 2.00 horas.

A medida, que podería entrar en vigor este verán, foi anunciada este domingo por Borloo no canal de televisión France 2: "Mañá, no Consello de Ministros, presentaremos un decreto para facer tests electrónicos de alcolemia obrigatorios nos estabelecementos de bebidas abertos até as 2.00 horas, para que todo o mundo poida comprobar o seu nivel, o seu estado antes de marchar".

"Agardo que para este verán será obrigatorio en todos os lugares", engadiu o ministro do Ambiente. A maioría dos accidentes acontecidos no Estado francés esta fin de semana de vacacións (o país celebra o Pentecostés) estiveron relacionados co consumo de alcol por parte dos condutores dos vehículos implicados.


4/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: