Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Día das Letras

Unha fundación para o "buscador de tesouros"

Os fillos de Álvarez Blázquez poderían crear unha fundación para gardar o legado de seu pai, sempre que atopen os apoios suficientes.

Redacción - 09:00 15/05/2008
Xosé María Álvarez Blázquez

Xosé María Álvarez Blázquez

Os fillos de Xosé María Álvarez Blázquez anunciaron durante unha homenaxe que a Universidade de Santiago de Compostela (USC) lle fixo a seu pai, que están dispostos a crear unha fundación a través da que difundir o amplo legado que o poeta, filólogo e arqueólogo deixou durante todos os seus anos de traballo a prol do galego.

Alfonso Álvarez Cáccamo admitiu a "inmensa felicidade" que supuxo para a familia a noticia de que lle fose dedicado o Día das Letras a seu pai, xa que permite "dinamizar" esta data marcando unha "nova ruta". A súa irmá Elena, recordou a visión de Álvarez Blázquez "como pai", mentres que Celso fixo reivindicou a figura como filólogo, arqueólogo e "buscador de tesouros" no ámbito da cultura, que era seu pai a propósito do libro que presentaba a USC.

O libro
Xosé María Álvarez Blázquez. Día das Letras Galegas 2008, presentouse o mércores nun acto no que participaron, ademais de tres dos cinco fillos do homenaxeado, o vicerreitor de Cultura da USC, Elías Torres, e o director do Departamento de Filoloxía Galega, Xosé Luís Regueira. Ademais a Orquestra de Cámara Galega, estreou poemas do autor musicados por Roxelio Groba.


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: