Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Os festivais de música galegos únense para crecer

Na procura do Benicàssim galego

A etiqueta 'Galicia Escoita' promocionará o Festival FAX, o Cultura Quente, o Festival Mar de Fondo (Noia), o Vibrasons, o Sonearte e o Reperkusión.

Redacción - 10:21 15/05/2008

O proxecto está promovido, fundamentalmente por La Fábrica de Chocolate, promotora da meirande parte dos festivais da nova rede, e Heineken, cuxo asesor musical no Estado, Enrique Calabuig, desprazouse a Galiza para presentar a iniciativa e salientar que a rede servirá, entre outras cousas, para promocionar a música feita no Estado.

O Festival FAX (Ourense), o Cultura Quente (Caldas de Reis) o Festival Mar de Fondo (Noia), o Vibrasons (Pontevedra), o Sonearte (Viveiro) e o Reperkusión (Allariz) levan xa uns anos ofrecendo música no verán nas catro provincias do país, mais ás veces, malia a contar con cartaces moi atractivos e unha organización moi profesional, ficaban faltos dunha promoción axeitada que puidese mobilizar a público de toda Galiza e mesmo do resto da Península. Agora, a marca común Galicia Escoita intentará aumentar a visibilidade destes encontros.

O proxecto arrincará o 21 de xuño en Compostela, onde se celebrará por vez primeira en Galiza o Día da Música, cuxa programación aínda non se coñece, pero que levará a Madrid a Lagartija Nick con enrique Morente. Seguirán o Festival FAX de Ourense, (27 e 28 de xuño), o Festival Cultura Quente de Caldas (11 e 12 de xullo), o Festival Mar de Fondo de Noia (18 e 19 de xullo), o Vibrasons de Pontevedra (entre o 31 de xullo e o 2 de agosto), o Sonearte de Viveiro (9 e 10 de agosto) e o Reperkusión de Allariz (do 19 ao 21 de setembro).


4,2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: