Vieiros

Vieiros de meu Perfil


Edición xeral

RSS de Edición xeral
Terremoto e ciclón

A cifra de mortos en China pode chegar a 50 mil e en Birmania a 100 mil

Os datos oficiais recoñecen polo momento 19.500 e 43 mil, respectivamente. As chuvias torrenciais volveron este venres a terras birmanas.

Redacción - 11:40 16/05/2008
Superviventes do terremoto

Superviventes do terremoto

En China, os servizos de salvamento estiman que o balance do terremoto de 7,8 graos na escala de Richter que o pasado luns devastou o sudoeste do país podería chegar até os 50 mil mortos, segundo a Oficina de Xestión de Urxencias e Rescate do sismo do Consello de Estado.

Polo momento, a cifra oficial de mortos xa supera os 19.500 na provincia chinesa de Sichuan. Namentres, continúan os labores de rescate aínda que diminúen as probabilidades de atopar máis superviventes entre os refugallos.

Chuvias torrenciais en Birmania
En Birmania, as chuvias torrenciais volven caer no delta do Irrawaddy, a zona máis afectada polo ciclón Nargis que arrasou hai dúas semanas a rexión.

Polo menos, 43 mil persoas morreron e case 28 mil permanecen desaparecidas, aínda que a Cruz Vermella e mais Nacións Unidas calculan que a cifra total podería chegar a 100 mil. Neste senso, o secretario xeral da ONU, Ban Ki Moon, fixo un chamamento para conseguir unha maior mobilización dos recursos e dos equipos de axuda.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: