Vieiros

Producida por Abada, Humor Neghro pon no escenario a cuestión da emigración e da inmigración en clave de humor e música. O humorista galego Carlos Blanco, xunto co guineano Manecas Costa serán os encargados de levar os seus propios textos, xunto cos doutros autores como Antón Reixa, Xosé Cid ou Zé Rui durante a xira, que o 24 de maio fai parada en Barcelona.

A obra parte de tópicos de "como nos vemos" ou "como nos ven", "como veñen e como viven entre nós", co fin de reflexionar sobre a situación dos inmigrantes e unir razas e culturas. A lusofonía é nesta obra un nexo de unión entre un humorista galego e un cantor centro-afriacano.