Vieiros

Vieiros de meu Perfil


Edición xeral

RSS de Edición xeral
Afectará a 600 mil persoas

Italia convirte en delito a "inmigración ilegal"

Na teima de relacionar inmigración e delincuencia, o goberno Berlusconi aproba unha lei que fixa penas de até catro anos para inmigrantes "sen papeis".

Redacción - 09:00 22/05/2008
Silvio Berlusconi

Silvio Berlusconi

Ineficaz, contraproducente ou grave erro foron algúns dos cualificativos usados polos partidos italianos da oposición para referírense á decisión adoptada polo actual goberno, liderado polo primeiro ministro Silvio Berlusconi.

Italia sorprende así á Unión Europea coa introdución dunha lexislación inédita en materia de inmigración e seguridade, estabelecendo por vez primeira como delito con pena de cárcere o feito de ser inmigrante sen documentación en regra. Ademais das belixerantes declaracións da oposición ao respecto dun proxecto no que insistiran especialmente os socios de Berlusconi, a Liga Norte, desde a propia Igrexa católica criticouse esta iniciativa. "Non se pode acusar de todo o malo aos inmigrantes", opinaba o influínte cardenal Martino.

A nova lei vaille afectar a unha poboación que se calcula que pode estar en arredor de 600 mil persoas. Fixa castigos de até catro anos de cárcere, e engade aumentos sobre esa pena no caso de que o estranxeiro en cuestión sexa detido despois de cometer algún delito. Ademais, a normativa chega mesmo a permitir a confiscación das vivendas de propietarios que lla alugasen a un estranxeiro sen papeis.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: