Vieiros

O ciclista Óscar Pereiro, o triatleta Xabier Gómez Noya e o Presidente do Comité Olímpico Español (COE), Alexandre Blanco, van ser distinguidos con medallas da Real Orde do Mérito Deportivo esta cuarta feira. Alén dos galegos, tamén o ciclista Alberto Contador (que segue líder no Giro) e a atleta Mayte Martínez han recibir cadanseu metal.

Pereiro, gañador do Tour 2006, ha levar a medalla de ouro, xunto co presidente del COE, Alexandre Blanco, e os presidentes das federacións estatais de motociclismo e hóckey, Juan Álvarez y Martín Colomer, respectivamente. Tamén han ser galardoados con este metal, mais a título póstumo, o futbolista Antonio Puerta e o ciclista Luis Ocaña.

Gómez Noya, gañador de dez probas da Copa do Mundo de triatlón (o cuarto triatleta que ostenta esta marca en toda a historia deste deporte), ademais dos outros seis podios consecutivos que ten, vai ingresar na Real Orde do Mérito Deportivo coa categoría de medalla de prata, igual que a atleta de Valladolid, Mayte Martínez (bronce nos 800 metros nos Mundiais de Osaka 2007).