Vieiros

Google acaba de lanzar un servizo máis na nosa lingua. Trátase de Google Mini, un dispositivo que vende a empresas para clasificar e atopar con facilidade os seus documentos. Na súa última actualización, incorpora seis novas linguas -o galego, o éuscaro, o catalán, o grego, o húngaro e o polaco- e tres novas funcionalidades.

As novas características do servizo engadíronse despois de ter recibido suxestións dos usuarios. Unha delas é un control de acceso ao sistema de arquivos que permite rastrexar documentos en todos os discos duros e ofrecerlles os resultados só aos usuarios con permisos. As outras dúas novidades son poder darlles máis importancia aos arquivos segundo a súa fonte de procedencia ou segundo a súa data.