Vieiros

O Índice de Prezos de Consumo Harmonizado (IPCH) no Estado Español situou a súa taxa anual no 4,7 por cento no mes de maio, cinco décimas máis que en abril, segundo o indicador adiantado, elaborado polo Instituto Nacional de Estadística (INE). Os datos definitivos, cos que se podería saber que tipo de produtos fixeron subir esta cifra, faranse públicos o vindeiro 11 de xuño.

A taxa máis alta dende que se teñen rexistros
A taxa do mes en curso, 4,7 por cento, é a máis que se ten rexistrado dende xaneiro de 1997, ano no que o INE comezou a elaborar esta serie. Esta cifra rexistrada supón volver ás subas tras o pequeno "respiro" que supuxo o mes de abril, cando caeu catro décimas, até o 4,2 por cento (4,4 por cento en Galiza, dúas décimas por riba dos datos estatais), despois de ter encadeado sete aumentos consecutivos, que tocaron teito co 4,6 por cento acadado en marzo.