Vieiros

Catro familias de castores europeos (Castor fiber) van ser reintroducidas en Knapdale (Escocia). É a primeira vez que neste país se reintroduce un mamífero autóctono na natureza. O castor desapareceu de Escocia hai xa 400 anos. As autoridades escocesas autorizaron a proposta de Scottish Widlife Trust (SWT) e da Royal Zoological of Scotland (RZSS).

O plan é capturar o vindeiro outono os animais en Noruega. Logo de pasar unha cuarentena de seis meses, ceivaranos en Escocia na primavera do ano que vén. O secretario de Estado do Ambiente, Michael Russell, explicou que ao longo da historia se cazou este animal até que se extinguiu no século XVI.

A Comisión Europea subliña que na actualidade hai algunha poboacións de actores ailladas en zonas de Francia, Alemaña, Noruega, Bielorrusia e Rusia. Mais agora hai proxectos de reintroducción noutros estados europeos, entre eles o español.