Vieiros

Vieiros de meu Perfil


Máis Alá

Xestionado por Vieiros
RSS de Máis Alá
CANCIÓN DO VERÁN

Sete novos temas compiten en A Polo Ghit!

A listaxe de candidaturas á canción do verán galega segue a medrar coa incorporación de tres que repiten no concurso e de catro que se estrean.

Redacción - 12:45 31/05/2008

Esta semana incorpóranse sete novos temas ao concurso A Polo Ghit 2008. Deste xeito, son xa 13 os candidatos á canción do verán galega deste ano. Tres das novidades son tres vellos coñecidos do certame, mentres que outros catro concorren por primeira vez.

Jabón Blue presenta o deportivo Himno da Crocha; Os Cuchufellos, Isto non é un blues, e Paris Joel aspira coa balada Ollos de mar. Os novos son Carlos Cañas, coa cantiga de amor A fonte; Ulträqäns, co instrumental Os ocelotes; Boy Elliott co pop de Planeta 19, e Novedades Carminha, que lle dedican a súa canción a John Ballan.

Seguen no concurso os candidatos que xa chegaron a semana pasada: Canto de Serea, de Magín Blanco e Burgas Beat; Rosiña, dos Mostoboys; Moito Roncha, do Dúo Estúpido Mascalzone; Arroz, da Banda Potemkin; Que o demo me leve, dos John Deeres, e Chuliboy, de Projecto Mourente.

A Polo Ghit fai este ano a súa terceira edición. O concurso organizado por Vieiros e mais a Radio Galega segue a recibir candidaturas.


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: