Vieiros

A operadora de telefonía móbil española Movistar xa se está a preparar para o lanzamento do iPhone no Estado. De feito, durante algúns momentos estivo activa unha web dentro do seu dominio para poñer en marcha unha campaña promocional.

En Applesfera especúlase sobre cal será a data de lanzamento do xa famoso teléfono de Apple, anunciada, en principio, para este mes de xuño. En teoría, a data de presentación da campaña será o día 9 e o lanzamento do teléfono, o 18. Porén, o feito de que na páxina -agora desactivada- se ofreza a posibilidade de subscribirse a unha lista de correo con información sobre o iPhone dá que pensar que quizais se adíe até setembro.

En calquera caso, a existencia desta web, confirma, dunha vez por todas, que o operador móbil de Telefónica será quen, finalmente, distribúa o iPhone no Estado Español.