Vieiros

Vieiros de meu Perfil


Máis Alá

Xestionado por Vieiros
RSS de Máis Alá
MOV-S GALICIA 2008

Bailando na Illa de San Simón

Duascentas persoas participarán neste encontro internacional, que terá lugar do 15 ao 18 de xuño, organizado polo CCG.

Redacción - 13:42 02/06/2008

O Mov-s defínese como un espazo para o intercambio internacional da danza e as artes do movemento. O Centro Coreográfico Galego (CCG) colabora co Mercat de les Flors de Barcelona na organización do evento, que nesta ocasión terá como temática central as condicións para a creación coreográfica. Será na Illa de San Simón (ademais doutros espazos distribuídos pola cidade de Pontevedra) entre os días 15 e 18 de xuño e xa hai duascentas persoas inscritas.

Haberá dúas mesas de de debate e seis grupos de traballo, presentaranse proxectos, testemuños de artistas e exhibiranse 12 propostas creativas. A través deste encontro, para o que se conta con relatores chegados de diferentes países (Bélxica, Brasil, España, Francia, Irlanda, Portugal e Suecia), búscase identificar as condicións óptimas para que o proceso de creación se inicie con garantías de calidade e innovación.

O apartado de exhibición abrirase o domingo 15 no Teatro Principal de Pontevedra con Cascuda de Diego Anido. O luns 16, no mesmo espazo, Pisando Ovos representará 30.000 ás 20.30, mentres que ás dez da noite, no Pazo da Cultura, o CCG presentará o seu Kiosko das Almas Perdidas. Tamén haberá representacións na capela e nos exteriores da Illa de San Simón, un total de doce espectáculos adaptados a estes espazos. Destacan as propostas de Mercé de Rande ou Iván Marcos.


Documentos

4,2/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



A illa de San Simón, no medio da Ría
A illa de San Simón, no medio da Ría
Ensaios de 'O Kiosko das Almas Perdidas'
Ensaios de 'O Kiosko das Almas Perdidas'