Vieiros

Vieiros de meu Perfil


Edición xeral

RSS de Edición xeral
Quenda gala dende o 1 de xullo

Francia impulsará unha unidade naval europea durante a súa presidencia da UE

Segundo publica este luns 'Der Spiegel', Nicolás Sarkozy comunicoullo a semana pasada a Angela Merkel nunha xuntanza bilateral.

Redacción - 13:05 16/06/2008

Na xuntanza que mantiveron en Straubing (Bavaria) a semana pasada Nicolás Sarkozy e Angela Merkel, o presidente francés comunicoulle á chanceleresa alemá que Francia impulsará a creación dunha unidade naval de combate europea a partir do 1 de xullo, data en que o país asume a Presidencia de quenda da UE.

Segundo informa este luns o semanario alemán Der Spiegel, os mandatarios de ambos os dous estados abordaron diversas cuestións relacionadas coa seguridade, entre estas, a achega de Alemaña a este novo grupo, que incluirá fragatas e unidades de loxística.

Ademais, Sarkozy propuxo que sexa o Reino Unido o que facilite un portaavións, xa que o prestixioso buque francés Charles de Gaulle está continuamente fóra de servizo para ser reparado. O presuposto destinado ao Exército francés, segundo Der Spiegel, vai ser reducido; non será deica 2012 que Sarkozy estude a posíbel construción dun segundo portaavións.

Redución da presenza militar en África

Neste senso, o presidente galo confesoulle a Merkel que pretende reducir os efectivos en 35 mil persoas, até alcanzar os 220 mil soldados, así como diminuír a presenza das forzas francesas en África. Ademais, vaise pospoñer a construción de novos submarinos nucleares.

Por outra banda, tamén está previsto que os 100 mil a Xendarmería francesa (corpo militar similar á Garda Civil española), actualmente baixo control do Ministerio de Defensa pasen a depender do de Interior.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: