Vieiros

Vieiros de meu Perfil


Edición xeral

RSS de Edición xeral
Segundo un estudo de UNICEF

Un de cada cinco nenos galegos vive na pobreza

E uns 4.350 con necesidades especiais, "non están ben atendidos", dixo o Valedor do Pobo ao presentar unha guía cos dereitos dos cativos.

Redacción - 09:30 18/06/2008
A capa do libro

A capa do libro

Esta terza feira o Valedor do Pobo, Benigno López, acompañou ao presidente de Unicef-Galiza, Manuel Sández, na presentación d'O meu libro dos dereitos, unha guía que recolle 12 dereitos dos nenos e nenas (o dereito á identidade, á familia, á educación, ao xogo ou á protección...) explicados cun breve texto e unha ilustración, do que se han editar 21 mil exemplares que se repartirán por todos os rexistros civís de Galiza (314).

450 nenos sufriron malos tratos en 2007
A guía está escrita en galego e castelán e o seu obxectivo, segundo explicou o Valedor, é facer chegar aos pais e á sociedade en xeral, os dereitos das crianzas, que moitas veces son esquecidos. De feito, Benigno López lembrou que en Galiza viven uns 4.350 nenos e nenas con necesidades especiais que "non están ben atendidos", e, ademais, un de cada cinco menores vive en situación de pobreza, o que "prexudica o seu benestar e aumenta as posibilidades de exclusión social".

López tamén se referiu aos datos recollidos o ano pasado sobre a violación dos dereitos da infancia en Galiza, dos que se resolve que en 2007 perto de medio milleiro de nenos sufriron algún abuso ou malos tratos.

Polo seu lado o presidente de Unicef-Galiza, Manuel Sández, destacou que o reparto desta guía polos rexistros civís e máis un paso no "traballo sobre o terreo" que desenvolve esta ONG, e incidiu na importancia de inscribir os nenos acabados de nacer nos rexistros, porque, segundo dixo, "se un neno non está inscrito, non existe".


Documentos

3.4/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: