Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
COMPOSTELA, 23 DE XULLO DE 2008

Preséntanse as actas do VII Congreso de Estudos Galegos no Consello da Cultura Galega

O libro cadra co 40 aniversario da implantación dos estudos de galego e portugués na UB a cargo de Basilio Losada.

Redacción - 22:30 18/06/2008

Na presentación participan Helena González (coeditora con María Xesús Lama deste volume), Burghard Baltrusch, actual presidente da AIEG (Asociación Internacional de Estudos Galegos), e unha representación institucional. As actas, de carácter interdisciplinar, publícanse nun soporte mixto, libro e DVD, e xiran arredor de dous temas: “Mulleres en Galicia” e “Galicia e os outros pobos da Península”, así como as intervencións na homenaxe a Xoán González-Millán. No libro publícanse as conferencias plenarias, e nel colaboran, entre outros, Pilar Cagiao, Arturo Casas, Víctor Freixanes, Beatriz Suárez Briones, Camiño Noia, María Ruido, Giuseppe Tavani e Ramón Villares. No DVD recóllense arredor de un cento de comunicacións. Co fin de favorecer a divulgación da produción científica desenvolvida no eido dos estudos galegos, máis adiante as comunicacións van estar dispoñibles na web da AIEG.

En 2003 celebrouse o VII Congreso Internacional de Estudos Galegos coorganizado pola AIEG, e Filologies Gallega e Portuguesa da Universitat de Barcelona, que significou unha apertura a novas áreas temáticas e contou cunha nutrida asistencia de especialistas do ámbito catalán e das universidades galegas, europeas e americanas. Despois do congreso celebrado en Bahia (Brasil), a AIEG prepara o IX Congreso, que terá lugar na Coruña, Compostela e Vigo o ano vindeiro.

Actas do VII Congreso Internacional de Estudos Galegos. Mulleres en Galicia. Galicia e os outros pobos da Península. Barcelona 28 ó 31 de maio de 2003

Ed. de Helena González e María Xesús Lama. Sada-A Coruña: Ediciós do Castro / Asociación Internacional de Estudos Galegos / Filoloxía Galega (Universitat de Barcelona), 2007

Libro 115 páxinas + DVD 1275 páxinas

Para máis información e descarga dos índices, consulta a web de Filologies Gallega i Portuguesa na UB.


3.86/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: