Vieiros

Vieiros de meu Perfil


Edición xeral

RSS de Edición xeral
500 DETIDOS NAS PROTESTAS NO NEPAL

O facho olímpico chega ao Tibet entre fortes medidas de seguridade

Moitos cidadáns tibetanos foron 'convidados' a ficar nas súas casas, mentres que no Nepal sucedéronse as manifestacións contra a China.

Redacción - 15:41 21/06/2008

Tres meses despois das protestas anti-chinesas en Lhasa, o facho olímpico percorreu este sábado un treito de nove quilómetros entre Norbulingka, o palacio de verán do Dalai Lama até o Palacio de Potala, a sede do goberno do Lama. Os xornalistas extranxeiros que seguen o percorrido do facho olímpico comprobaron como moitos cidadáns de Lhasa foron conminados a permanecer nos seus fogares durante o paso da comitiva oficial, para prevenir protestas contra o goberno de Beixín.

Ademais, o o responsábel local do goberno chinés aproveitou o evento para realizar un duro discurso político dirixido contra o Dalai Lama, no exilio.

500 detidos no Nepal

Ao mesmo tempo, no Nepal producíanse manifestacións fronte á embaixada chinesa, unhas protestas nas que foron detidas ao redor de 500 exiliados tibetanos. Os antidisturbios cargaron contra a marcha pacífica e foron collendo a centos de manifestantes, introducidos en camións que os trasladaron a centros de detencións.Os tibetanos, maioritariamente mulleres e monxes, levaban bandeiras do seu país e berraban "China mentireira, fóra do Tibet" e "Queremos un Tibet ceibe".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: