Grenlandia seguirá a cazar 231 baleas ao ano
O plan para aumentar a súa cota de captura de baleas xibarte foi rexeitado por 36 votos en contra, 29 a favor e dúas abstencións.
O plan de Grenlandia para aumentar a súa cota de captura de baleas xibarte, presentada na Comisión Baleeira Internacional (CBI) que estes días se reúne en Santiago de Chile, fracasou finalmente.
O territorio autónomo, pertencente a Dinamarca, pretendía aumentar en dez exemplares, até 241, a cota anual de caza de baleas xibarte, mais a petición foi rexeitada por 36 votos en contra, 29 a favor e dúas abstencións. A proposta contaba co apoio do Comité Científico do CBI.
As organizacións ecoloxistas denuncian, no entanto, que Grenlandia está a comercializar a carne de balea, malia que a normativa do CBI estabelece que debería ser destinada exclusivamente ás necesidades de subsistencia das comunidades cazadoras.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto